Diario do Limia :: Últimos vídeos - Cultura

VÍDEO - Seis anos despois, a Arca segue sendo a mellor

Fri, 7 Oct 2022 23:04:44 +0200

Noemí celebra esta noite coa familia da Arca da Noe o segundo premio, o anterior foi no 2016, Martín Códax á Mellor Sala de Concertos do país. Conta como viviron o día da gala e como xa teñen algúns rituais que parece que lles traen sorte. A música do país ten un referente en Vilar de Santos, e en Noemí unha poderosa promotora limiá.

VÍDEO - Ramiro Rodríguez, sobre a figura da Miro Cerredelo

Wed, 28 Sep 2022 11:03:24 +0200

VÍDEO - Valoración da alcaldesa sobre o MUGAE na rolda de prensa do 14 de setembro

Wed, 14 Sep 2022 20:50:55 +0200

VÍDEO 🐺 FESQ22 - Discurso de Carlos Gómez tras recibir o Premio Bispo Idacio

Mon, 22 Aug 2022 11:54:00 +0200

“Estamos moi agradecidos por todo o que nos axudaches nesta edición e por todo o que fixeches por esta festa”, dixo Marcos Argibay, presidente da Asociación Civitas Limicorum, a Carlos Gómez Salgado na entrega do Premio Bispo Idacio o sábado 20 de agosto, segundo día da Festa do Esquecemento, no acto institucional no campamento. “Non é falsa modestia. Pero teño que dicir non me pertence. Pertence a todos os que antes que eu estiveron organizando a Festa, a todos os que loitaron nos momentos bos e nos momentos máis difíciles”, dixo Gómez Salgado.

O galardoado, vestido co seu traxe romano habitual do Esquecemento, gabou á Civitas Limicorum. “Está facendo as cousas ben”, afirmou, e permitiuse un consello: “Non esquezades darlle a Festa ese carácter cultural. O Esquecemento non só é a Festa os tres días do campamento; debe ser unha tarefa cultural durante todo o ano. Hai que motivar á xente, culturizala, facer didáctica”.

VÍDEO 🐺 FESQ22 - Cousas do Esquecemento que levar para Astorga

Sun, 21 Aug 2022 10:30:09 +0200

Sergio Castrillo, presidente da Asociación Astures y Romanos, de Astorga, participa desde o venres na Festa de Esquecemento como convidado da organización. Castrillo di que as festas de Xinzo e Astorga gozan de amplo apoio da veciñanza, e di que vén ao Esquecemento a "aprender". "Tedes cousas moi interesantes que intentaremos levar para Astorga".

VÍDEO 🐺 FESQ22 - Antonio Madrid, presidente da Asociación Española de Fiestas y Recreaciones Históricas

Sat, 20 Aug 2022 22:35:44 +0200

Antonio Madrid, presidente da Asociación Española de Fiestas y Recreaciones Históricas (AEFRH), chegou onte a Xinzo para participar na Festa do Esquecemento. Este sábado, despois dunha breve conversa co Diario do Limia na que se felicitou porque as festas históricas en xeral teñan aproveitado estes dous anos de pandemia para repensar as cousas e volver con novidades, adiantou que a asociación que preside animará á Civitas Limicorum a traballar para conseguir da declaración de Festa de Interese estatal, e subliñou a mocidade da maioría das participantes.

VÍDEO 🐺 FESQ22 - Elvira Lama anima a participar da Festa do Esquecemento que comeza hoxe

Fri, 19 Aug 2022 08:56:48 +0200

A alcaldesa Elvira Lama conta a lenda do Esquecemento que está na base da Festa e rememora os seus primeiros recordos dunha celebración que enche Xinzo estes días. A alcaldesa convida á veciñanza a participar da Festa en familia e a gozar do novo campamento, o corazón do evento que recupera o seu pulo despois da pandemia.

VÍDEO 🐺 FESQ22 - Onde reside o espirito do Esquecemento? (aquí algunhas pistas)

Thu, 11 Aug 2022 11:14:27 +0200

Falta apenas unha semana para que arranque a Festa do Esquecemento 2022. E aínda menos para que os grupos comecen a montaxe do campamento. O Diario do Limia, diario oficial da Festa, continúa coa serie de pezas sobre a Festa e coas intervencións de persoas sinaladas. Nesta ocasión, Josita, ex presidenta da Civitas Limicorum, explica como foi cambiando a celebración nestes vinte anos, e que dirección pensa que debe tomar a Festa nos próximos anos. Tamén conta o significado de pequenas tradicións que se foron asentando e que ve preciso divulgar entre as xeracións máis mozas.

🎥 Noelia Caseiro. #FESQ22

VÍDEO 🐺 FESQ22 - Cousas a non perder na Festa

Sat, 30 Jul 2022 13:50:24 +0200

VÍDEO 🐺 FESQ22 - O primeiro recordo da Festa

Thu, 28 Jul 2022 07:12:11 +0200

Despois de dúas décadas de Festa do Esquecemento, as lembranzas xúntanse, mais sempre fican primeiros recordos. No caso dos nosos primeiros protagonistas do FESQ22, esas lembranzas están ligadas á infancia. Iván, Cochi e María eran cativas cando comezou a se celebrar o Esquecemento. Estes son os seus primeiros recordos.

VÍDEO 🐺 FESQ22 - Castrexa ou Romana

Tue, 26 Jul 2022 09:59:05 +0200

VÍDEO 🐺 FESQ22 - A lenda do Esquecemento.

Wed, 20 Jul 2022 08:43:37 +0200

Que pasou cando os romanos chegaron á beira do río Lethes? Tres persoas que creceron coa FESTA DO ESQUECEMENTO contan a lenda que está na raiz da Festa. Primeiro vídeo dunha serie de reportaxes para entender o Esquecemento da man da xente que fai a Festa. María, Conchi e Iván tiveron, no seu momento, responsabilidades na organización da Festa, e hoxe continúan moi vinculadas a ela.

VÍDEO: Noelia Caseiro.