FOTOGALERÍA | Os fachóns póñense a punto para o Colgamento do Meco
23 de enero de 2023 (16:09 h.)
A Asociación A Pantalla congregou esta fin de semana a ducias de persoas para elaborar os fachóns, esenciais para un das citas importantes do Entroido de Xinzo. Os asistentes prepararon con palla estes elementos artesanais, que alumearán a noite do Colgamento do Meco o 4 de febreiro.
Ademais, a xornada contou cunha gran merenda no Museo Galego do Entroido, da que todos deron boa conta. Os nenos, mentres os maiores preparaban os fachóns, tamén tiveron a oportunidade de aprender como baila unha Pantalla e danzaron na rúa para perfeccionar os movementos.