O Concello de Xinzo de Limia converteuse na tarde de onte no epicentro do deporte limiao coa celebración da Gala do Deporte 2025, un acto xa consolidado que reuniu a numeroso público no pavillón municipal. Deportistas individuais, equipos e persoas vinculadas ao ámbito deportivo foron recoñecidas pola súa dedicación, esforzo e traxectoria ao longo do último ano.
A gala serviu para poñer en valor o traballo que se realiza desde os clubs, entidades e deportistas locais, así como para destacar os valores do deporte como o compañeirismo, a constancia e a superación. O evento contou cun ambiente emotivo e participativo, reflexo da importancia que o deporte ten no municipio.
Con esta cita anual, Xinzo de Limia reafirma o seu compromiso co fomento da actividade deportiva a través da Concellería de Deportes, que destacou a importancia de apoiar e visibilizar o traballo diario de clubs, entidades e deportistas. A gala consolídase así como un espazo de encontro e recoñecemento para todo o deporte limiao, convertido xa nun sinal de identidade do municipio.
FOTOS: Noelia Caseiro.
gala do deporte 2025-24
