Os cativos do CEIP Rosalía de Castro visitaron esta mañá o Rexistro do Concello de Xinzo para presentar formalmente diversas peticións ao Goberno municipal. Esta actividade enmarcouse no Día da Infancia e a Adolescencia, que se celebrou o pasado domingo, e no que o CDR O Viso sumouse ó lema "Participamos! É o noso dereito" da Plataforma de Organizacións da Infancia de Galicia para darlles voz ao nenos e promover o seu dereito a participar na vida social e política do seu municipio.
A entidade, en colaboración co CEIP Rosalía de Castro e a súa ANPA, traballaron con varios cursos de Primaria co obxectivo de interiorizar os dereitos infantís propios e o respecto polos das demais personas. Con dinámicas participativas, alumnos e profesorado conseguiron poñerlle nome aos dereitos e deberes das persoas, valorar o poder da palabra e respectar a intimidade. Esta foi unha primeira parte da actividade, que rematou coa entrega das peticións no Rexistro do Concello esta mesma mañá, coa meta de facer realidade o seu dereito de participación e para darlles voz.
As peticións que presentaron hoxe son: o coidado, limpeza e melloras no río Limia; a creación de novos zonas de xogo para as súas idades en varios lugares; espazos para a práctica do deporta na propia vila e non nas aforas; reducir a presenza dos coches e aumentar as zonas naturais; crear parques específicos para animais e controlar os excrementos nas rúas; e pediron un compromiso coa non violencia e o non ás guerras.
O CEIP Rosalía de Castro, a súa ANPA e o CDR O VISO reivindican o seu compromiso cos Dereitos da Infancia, sobre os que están a traballar nun plan a longo prazo dentro do propio centro, dirixido á súa comunidade educativa. Por iso, queren contar co compromiso doutras institucións, entidades, asociacións e da comunidade limía no seu conxunto porque "se conseguimos unha vila e unhas aldeas pensadas para a infancia, viviremos mellor".
As actividades do 20 de novembro completáronse este luns cun encontro de alumnos de Formación Profesional Básica do IES Lagoa de Antela no CIX, onde se lles animou a defender os seus dereitos a través de internet e a participar no Buzón Cidadá da web do Concello de Xinzo.
![photo1669719402](/asset/thumbnail,1280,720,center,center/media/diariodolimia/images/2022/11/29/2022112912412215821.jpg)
Os rapaces desprazáronse ata o Concello de Xinzo para presentar as súas peticións. | FOTOS: Noelia Caseiro.
![photo1669719402 (7)](/asset/thumbnail,1280,720,center,center/media/diariodolimia/images/2022/11/29/2022112912412157622.jpg)
![photo1669719414 (3)_Easy-Resize.com](/asset/thumbnail,1280,720,center,center/media/diariodolimia/images/2022/11/29/2022112912420375355.jpg)
![photo1669719414 (4)_Easy-Resize.com](/asset/thumbnail,1280,720,center,center/media/diariodolimia/images/2022/11/29/2022112912420412392.jpg)
![photo1669719402 (1)_Easy-Resize.com](/asset/thumbnail,1280,720,center,center/media/diariodolimia/images/2022/11/29/2022112912420446140.jpg)
![photo1669719402 (2)_Easy-Resize.com](/asset/thumbnail,1280,720,center,center/media/diariodolimia/images/2022/11/29/2022112912420479964.jpg)
![](/asset/thumbnail,1280,720,center,center/media/diariodolimia/images/2022/11/29/2022112912420499275.jpg)
![photo1669719402 (4)_Easy-Resize.com](/asset/thumbnail,1280,720,center,center/media/diariodolimia/images/2022/11/29/2022112912420530369.jpg)
![photo1669719402 (5)_Easy-Resize.com](/asset/thumbnail,1280,720,center,center/media/diariodolimia/images/2022/11/29/2022112912420559639.jpg)
![photo1669719402 (6)_Easy-Resize.com (1)](/asset/thumbnail,1280,720,center,center/media/diariodolimia/images/2022/11/29/2022112912420590654.jpg)
![photo1669719414 (2)](/asset/thumbnail,1280,720,center,center/media/diariodolimia/images/2022/11/29/2022112912420619085.jpg)
![photo1669719414 (1)](/asset/thumbnail,1280,720,center,center/media/diariodolimia/images/2022/11/29/2022112912420652594.jpg)
Entregaron o documento no Rexistro municipal.
![photo1669719414](/asset/thumbnail,1280,720,center,center/media/diariodolimia/images/2022/11/29/2022112912420681882.jpg)
![photo1669719413](/asset/thumbnail,1280,720,center,center/media/diariodolimia/images/2022/11/29/2022112912420711630.jpg)
![photo1669719402 (9)](/asset/thumbnail,1280,720,center,center/media/diariodolimia/images/2022/11/29/2022112912421546708.jpg)
![photo1669719402 (8)](/asset/thumbnail,1280,720,center,center/media/diariodolimia/images/2022/11/29/2022112912421526565.jpg)
![A alcaldesa, Elvira Lama, recibiu ós cativos no seu despacho da Casa do Concello. | FOTO: CDR O Viso.](/asset/thumbnail,1280,720,center,center/media/diariodolimia/images/2022/11/29/2022112915151556008.jpg)