Estudantes de 4º da ESO do IES Lagoa de Antela compiten no programa Parlamento Xove

Catro estudantes de 4º da ESO do IES Lagoa de Antela, de Xinzo de Limia, participaron os días 11 e 12 de xuño no programa Parlamento Xove, unha iniciativa de debate xuvenil impulsada pola Xunta de Galicia.

Candela, Carlos, Nerea e Rodrigo accederon a esta fase logo de clasificarse na primeira rolda, celebrada en febreiro no Carballiño. Na fase de cuartos, desenvolvida o xoves 11 de xuño nas instalacións do Albergue de Gandarío, en Sada, o alumnado presentou os argumentos que preparara durante varias semanas arredor da cuestión: "Debemos eliminar o anonimato das RRSS?".

Os representantes do IES Lagoa de Antela competiron nesta rolda contra o CPR Santiago Apóstolo. Ao día seguinte, venres 12 de xuño, o programa trasladouse ao Parlamento de Galicia, sede na que se disputaron a semifinal e a final desta edición do certame.