NOTICIAS XINZO | O Concello aposta por recuperar o esplendor das festas da patroa

A vila de Xinzo de Limia vive xa a conta atrás para celebrar as Festas de Santa Mariña 2025, que terán lugar entre o 17 e o 20 de xullo cunha programación pensada para todos os públicos, combinando grandes orquestras, actividades populares e momentos de convivencia no corazón da vila.

 

O programa aposta por recuperar o esplendor das festas patronais, cun cartel musical de primeiro nivel que inclúe formacións tan recoñecidas como Nebraska, Panorama – Epic Tour, América S.L., La Misión ou Tango, entre outras. Ás orquestras súmanse sesións vermú, discotecas móbiles e propostas como o Summer Sound 2025, que porá o punto e final ás celebracións cunha noite chea de música e animación.

 

O venres 18, Día da Patroa, será a xornada máis simbólica, coa tradicional misa e procesión acompañada polas bandas locais AMDL e BDG, e co regreso dun dos elementos máis queridos da tradición: os xigantes e cabezudos, que volverán percorrer as rúas ao ritmo da Bandiños Band. Esa mesma noite, a gran festa da escuma animará á mocidade antes dos concertos.

 

Durante catro días, as rúas e prazas de Xinzo converteranse nun punto de encontro para veciñanza e visitantes, que poderán gozar tamén da II Color Party, actividades infantís, campionatos populares e sesións vermú ao aire libre.

 

Xoves 17

 

• Orquestra América S.L.

• Disco móbil Apocalipsis on Tour

 

 

Venres 18 – Día da Patroa Santa Mariña

 

• Alborada con Bandiños Band polas rúas e prazas

• Misa e procesión na honra da patroa de Xinzo de Limia, acompañada polas bandas AMDL e BDG de Xinzo de Limia

• Ambientación musical na Praza Maior e pasarrúas coa Bandiños Band acompañada polos Xigantes e Cabezudos

• Gran Festa da Escuma

• Orquestra Nebraska

• Orquestra Panorama Epic Tour

 

Sábado 19

 

• Sesión vermú con Lethx Sound

• II Color Party Santa Mariña 2025

• Orquestra La Misión

• Disco móbil La Duendeneta

• Campionato de Futbolín

 

 

Domingo 20

 

• Sesión vermú con La Duendeneta

• Actividades para a cativada

• Orquestra Tango

• Summer Sound 2025: Apocalipsis on Tour, Paulo Seoane, Alex Martínez, Saúl Gallego e Pancho DJ