AXENDA | Rubén Simeó actúa en Allariz acompañado pola Unión Musical

O trompetista Rubén Simeó chega a Allariz este domingo 21 de setembro ás 19:00 horas, dentro da súa xira Tour 25. O concerto, que terá lugar no marco do Festival Internacional de Xardíns, contará coa colaboración da Unión Musical de Allariz baixo a dirección de Nieves Llopis Tormo.

O público poderá gozar de grandes clásicos como My Way, Can’t Help Falling in Love ou Ballade for Adeline. As entradas están á venda por 10 euros en diferentes puntos da vila.