AXENDA | A Furgoteca proxecta en Porqueira o documental sobre Otero Pedrayo no Ano Oteriano

A Furgoteca, o servizo de bibliotecas móbiles de Galicia da Xunta de Galicia, proxectará o documental "Ramón Otero Pedrayo, dereito á paisaxe", dirixido por María José Bravo Bosch, o vindeiro xoves 26 de xuño, de 11:30 a 13:00 horas, no Salón de Actos do Concello de Porqueira.

A proxección enmárcase na celebración do Ano Oteriano, co que se conmemora a figura do escritor, xeógrafo e intelectual galeguista Ramón Otero Pedrayo. O documental ofrece un achegamento diferente á súa figura, centrado na súa maneira de sentir e entender Galicia a través da paisaxe, do territorio e da natureza.

A actividade está aberta a todos os públicos.