AXENDA | Magosto popular en Vilar de Barrio

O Concello de Vilar de Barrio celebra o seu tradicional Magosto o venres 1 de novembro ás 20:00 horas, no Pavillón Municipal.

O evento ofrecerá un menú típico do outono con castañas asadas, chourizos, costela asada, viño e pan, nun ambiente festivo arredor do lume e da boa compañía.

Prezos:

• Público xeral: 10 €

• Menores de 14 anos: 5 €

As entradas poden adquirirse no Concello e nos bares de Vilar de Barrio ata o 29 de outubro. O aforo é limitado, polo que se recomenda facer a reserva con antelación.