AXENDA | A comedia "Os Marcos" chega a Vilar de Santos con entrada gratuita

O Grupo de Teatro As Barallocas, de Rairiz de Veiga, presentará a súa comedia Os Marcos, unha obra chea de humor e boas risas, no Salón Multiusos do Concello de Vilar de Santos. A representación terá lugar o 18 de xaneiro ás 18:00 horas e a entrada será totalmente gratuita.

Trátase dunha oportunidade para gozar dunha tarde de boa compañía, onde a comedia local será a protagonista e o público poderá deleitarse co enxeño e a retranca características deste grupo teatral.

O Concello anima a todos os veciños e veciñas a participar nesta actividade cultural, que reforza a oferta de ocio e cultura da comarca.