AXENDA | Os 80 anos dunha marca do país

O Museo da Limia acolle este sábado 5 de xullo, ás 11:45 h, un acto público con motivo do 80 aniversario da fundación das Gasosas Berardo Méndez, coñecidas popularmente como “as gasosas de Sandiás”. O evento incluirá unha conversa na taberna, onde familiares, historiadores e coleccionistas falarán da historia, do impacto social e do valor emocional desta bebida feita na comarca. Ao remate, haberá viño con gasosa para as persoas asistentes.