AXENDA | Saa celebra a segunda Festa da Arracada

O sábado 7 de xuño, a aldea de Saa (Vilar de Santos) transforma o presente co espírito do pasado na Festa da Arracada, unha celebración do legado castrexo con xogos tradicionais, vodas castrexas, cea popular, música en directo con Lirolaioe unha emotiva cerimonia do lume. A festa comezará ás 18:00 horas e está pensada para o desfrute de todas as idades.

O Concello anima á veciñanza a acudir con roupa de inspiración castrexa e vivir unha experiencia única e participativa.

Organiza: Concello de Vilar de Santos.

Colabora: Civitas Limicorum.