ACTIVIDADES DE NADAL | As aventuras de Tadeo Jones encherán o Auditorio Ángel Cocho de música e diversión

Este sábado, 4 de xaneiro, ás 18:30 horas, o Auditorio Ángel Cocho acollerá o musical infantil “Tadeo Jones e a Táboa Esmeralda”, un espectáculo pensado para gozar en familia e sorprender aos máis cativos.

A función ofrecerá unha aventura chea de humor, música e emoción, protagonizada polo popular personaxe Tadeo Jones, que fará as delicias dos máis pequenos cunha historia chea de diversión e fantasía.

A entrada será libre ata completar aforo, polo que se recomenda acudir con antelación para non perder este espectáculo infantil.