AGENDA | O VIII Festival Internacional de Bandas de Gaitas reunirá en Xinzo agrupacións de Galicia, Asturias e O Bierzo

O Concello de Xinzo de Limia celebrará entre o 31 de xullo e o 2 de agosto a VIII edición do Festival Internacional de Bandas de Gaitas "Vila de Xinzo", unha cita dedicada á música tradicional que reunirá agrupacións procedentes de Galicia, Asturias e O Bierzo.

Nesta edición participarán a Banda de Gaitas Xinzo de Limia, Nova Fronteira, Ortigueira, Villaviciosa "El Gaiteru"e "Vega de Espinareda", que ofrecerán actuacións ao longo das tres xornadas do festival.

A programación completarase co concerto folk do grupo BÖJ e coa animación musical da Charanga Achicoria, ampliando así a oferta cultural desta oitava edición.

O Festival Internacional de Bandas de Gaitas "Vila de Xinzo" volverá converter Xinzo de Limia nun punto de encontro para formacións de música tradicional de distintos territorios do noroeste peninsular.