AXENDA | A Academia Danzón organiza unha xornada de portas abertas de flamenco en Xinzo

A Academia de Baile Danzón de Xinzo de Limia celebra o venres 19 de setembro unha xornada de portas abertas dedicada ao flamenco, con clases para todas as idades.

As sesións serán impartidas por Ainhoa Linaza e inclúen grupos de nenos e nenas menores de 11 anos, mozos e mozas maiores de 12 e tamén adultos. A actividade busca achegar a este estilo de baile á veciñanza e permitir que cada participante escolla o seu horario.