AXENDA | Autobuses de balde para apoiar ao Antela F.C. a cargo do Concello de Xinzo

O Concello de Xinzo de Limia puxo en marcha un dispositivo especial de apoio ao deporte local para facilitar que a afección albinegra poida acompañar ao Antela F.C. no seu vindeiro e transcendental partido oficial fóra de casa. Para iso, a administración local acordou habilitar autobuses gratuítos para todas as persoas que desexen viaxar a dar folgos ao equipo en Betanzos.

Esta campaña de viaxe compartida inclúe ademais unha oferta moi vantaxosa para os seguidores. Por un prezo pechado de tan só 20 euros, as persoas participantes terán acceso directo ao estadio para presenciar o encontro e recibirán unha camisola oficial do club de agasallo para lucir as cores do equipo nas bancadas. Para poder beneficiarse deste pack e garantir unha praza de balde no autobús, os interesados deben formalizar a súa inscrición de xeito obrigatorio chamando ou enviando unha mensaxe ao número de teléfono 658468159 antes do vindeiro venres ás 12:00 horas.

A saída oficial dos autobuses está programada para o vindeiro domingo ás 14:30 horas dende a propia estación de autobuses de Xinzo de Limia. Así mesmo, co obxectivo de facilitar a viaxe aos seguidores de fóra do municipio, o transporte realizará unha parada técnica na cidade de Ourense ás 15:00 horas antes de continuar o seu traxecto por estrada cara á provincia da Coruña.