AXENDA | Xinzo acolle a XV edición do festival Coralimia o 18 de outubro

Xinzo de Limia converterase o sábado 18 de outubro na igrexa vella de Santa Mariña, no escenario da XV edición do Coralimia, Festival de Coros de Música Popular, unha cita organizada polo Coro Aimil e a Asociación Cultural Aimil Folc.

O evento reunirá diversas formacións corais nunha xornada dedicada á música tradicional e popular, cunha clara aposta pola convivencia, a difusión cultural e o goce colectivo. Coralimia chega xa á súa décimo quinta edición consolidado como un referente da programación cultural da Limia, ofrecendo ao público a oportunidade de descubrir diferentes agrupacións e de poñer en valor o traballo das asociacións musicais locais.