AXENDA | A Igrexa Vella de Santa Mariña será o escenario do concerto “Emocións Sonoras”

Xinzo de Limia pecha a edición 2025 do ciclo "Emocións Sonoras. Música e patrimonio á luz das candeas" este domingo 10 de agosto cun concerto da Xove Orquestra Ourensanía.

A actuación terá lugar ás 20:30 h na Igrexa Vella de Santa Mariña, un espazo emblemático que se iluminará con candeas para crear unha atmosfera íntima e especial.

A entrada é libre ata completar aforo. O Concello anima á cidadanía a participar desta proposta cultural única.