AXENDA | Música e contos na Praza Maior de Xinzo este sábado

A Praza Maior de Xinzo de Limia acollerá o vindeiro sábado 4 de xullo, a partir das 20:00 horas, a actividade Contacanta Contos, dentro da programación cultural Cultura no Camiño.

A proposta, dirixida ao público familiar, combina música e narración de contos nun formato pensado para todas as idades. A actividade organízaa a Axencia Galega das Industrias Culturais, coa colaboración da Xunta de Galicia e o Concello de Xinzo de Limia, e enmárcase no Xacobeo 2027.