AXENDA | Xaque ó Emérito volve a mover ficha en Xinzo

O próximo sábado, 28 de xuño, ás 15:30 horas, a Casa da Cultura de Xinzo de Limia converterase no escenario da terceira edición do torneo "Xaque ó Emérito", unha iniciativa que combina deporte, igualdade e convivencia arredor do xadrez.

Aberto a persoas de todas as idades, contará cunha categoría infantil (a partir dos 6 anos) e outra para persoas adultas e establécense premios para as tres primeiras posicións en ambas categorías. O prazo para anotarse remata o 26 de xuño.

A organización do evento corre a cargo da asociación Algaria, en colaboración coa Deputación de Ourense, o Concello de Xinzo de Limia, a Asociación Cultural Nós Mesmas e unha ampla rede de entidades colaboradoras que apoian esta proposta.