VÍDEO - 🎁 FEIRA DO COMERCIO | Manuel Pérez Campos apoia a demanda do goberno local dun pavillón de exposicións

O concelleiro de Comercio, Manuel Pérez Campos, en declaracións ao 'Diario do Limia', apoiou a demanda dun pavillón de exposicións para Xinzo que o tenente de alcalde, Amador Díaz, fixo esta mañá diante de representantes institucionais durante a inauguración da Feira do Comercio. Entre outras representantes institucionais, estaban presentes o delegado da Xunta de Galicia, Gabriel Alén; a xerente do Inorde, Emma González; a presidenta da entidade comercial (ProLimia) que promove o evento, Concepción Conde, e a presidenta da Federación de Comercio de Ourense, Beatriz Gómez.