A BTT Resistencia, organizada pola Concellería de Deportes coa colaboración da Deputación de Ourense, reuniu esta fin de semana un cento de afeccionados á bicicleta de montaña nun evento que combinou deporte, natureza e bo ambiente.
Chegados de distintos puntos da nosa provincia e mesmo da veciña Pontevedra, os participantes percorreron un esixente circuíto polos arredores da vila, que puxo a proba a súa resistencia física ao longo de varias horas.
A xornada transcurriu nun ambiente extraordinario, onde destacou non só o nivel deportivo, senón tamén o espírito de colaboración e proximidade. De feito, ao rematar a proba, os propios técnicos da organización e a concelleira de Deportes, Cristina Campero, encargáronse de preparar un churrasco popular co que todos os corredores puideron repoñer forzas e compartir impresións da carreira.
Un evento que demostra, unha vez máis, o compromiso do municipio co deporte de base e coa dinamización do territorio a través de iniciativas que mesturan vida activa, paisaxe e comunidade
Foron centos os participantes que quixeron formar parte da proba. | FOTOS: Concello de Xinzo de Limia.
FOTOS: Xosé Lois Colmenero.
