sábado. 20.04.2024
Xinzo

📚 NOTICIAS XINZO | O curso volve ser o que era

“Este ano empezamos a descubrir os rostros dalgúns nenos e nenas; e tamén dalgúns compañeiros profes”, di Xosé Manuel García, director do CEIP Rosalía de Castro, o primeiro día de aulas, no inicio do curso 2022-23, na post-pandemia, despois de dous anos moi duros no que a comunidade escolar sufriu e adaptouse a unha nova forma de convivir, ensinar e aprender. “Adeus aos grupos burbulla, benvidos os patios que se poden compartir”. 


Adeus á covid e ás máscaras. “O mellor que podo dicir desta xornada é que o curso comezou con absoluta normalidade. Que siga así”, di Xosé Manuel mentres atende os asuntos do día a día, unha nai que vén pedir os libros, unha substitución nunha clase... Benvida a normalidade.


No Rosalía de Castro este ano terán algún alumno menos, pero sumarán unha nova unidade en Primaria, até 14, máis as 6 de Primaria. Tamén consolidaron unha praza de mestre máis. Prestarán mellor atención ás rapazas e rapaces. O curso comeza sen máis novidade que a visita da alcaldesa acompañada por dous concelleiros. 


“É unha gran alegría ver aos nenos e nenas e aos profesores sen máscara, sen grupos burbulla e abrazándose”, manifestou a alcaldesa segundo informa nunha nota de prensa o Concello de Xinzo, e prometeu “novas actuacións para mellorar as instalacións”.


A comitiva municipal visitou tamén o CEIP Carlos Casares e A Galiña Azul. E anunciou que mañá acudirían aos institutos, onde hoxe se celebraban as presentacións dos diferentes cursos. Os institutos semellaban baleiros. Os aparcadoiros cheo cos vehículos dos profesores e o persoal, mais as aulas desertas e apenas grupos de mozas e mozas esperando a quenda da súa presentación. 
  

Na Galiña Azul empezaron xa onte. Os máis cativos volven sen máscaras. Os país que os acompañan nestes primeiros días e o persoal, tamén. Normalidade. O curso volver ser o que era. “E nós, os profes, tamén estamos algo emocionados. Sempre pasa”, confesa o director do Rosalía de Castro. 


FOTOGRAFÍAS: Diario do Limia / Concello de Xinzo de Limia.

Curso 1 (FILEminimizer)
1 / 16
curso 2 (FILEminimizer)
2 / 16
curso 3 (FILEminimizer)
3 / 16
Curso 4 (FILEminimizer)
4 / 16
curso 5 (FILEminimizer)
5 / 16
Curso 6 (FILEminimizer)
6 / 16
Curso 7 (FILEminimizer)
7 / 16
Curso 8 (FILEminimizer)
8 / 16
Curso 9 (FILEminimizer)
9 / 16
Curso 11 (FILEminimizer)
10 / 16
curso 12 (FILEminimizer)
11 / 16
curso 14 (FILEminimizer)
12 / 16
Curso 15 (FILEminimizer)
13 / 16
curso 89 (FILEminimizer)
14 / 16
curso 90 (FILEminimizer)
15 / 16
curso 99 (FILEminimizer)
16 / 16

A alcaldesa, Elvira Lama, cos concelleiros de Servizos Sociais e de Comercio, no CEIP Rosalía de Castro este xoves.

📚 NOTICIAS XINZO | O curso volve ser o que era