24 de noviembre de 2021, 13:28
A pouca estabilidade da que gozaba onte a comarca volta a racharse rexistrando seis novos contaxios entre os concellos membros. Os casos activos totais de toda a Limia ascenden xa a 73.
O territorio que máis preocupa é o de Trasmiras pois, con só 1272 habitantes, hoxe sobe ata os 20 positivos -suma dous contaxios máis- .
Xinzo de Limia tamén se sitúa na vintena de casos, aínda que sobrepasándoos. O concello suma dous novos contaxios e sitúase nos 22 casos activos.
Vilar de Barrio incorpora dous novos positivos, contabilizando unha cifra total de 13 contaxios.
O resto de membros da comarca permanecen estables.
Así queda o rexistro de positivos na Limia o 24/11:
- Baltar: 0
- Os Blancos: 0
- Calvos de Randín: 0
- Porqueira: 2
- Rairiz de Veiga: 0
- Sandiás: 4
- Sarreaus: 11
- Trasmiras: 20 (+2)
- Vilar de Barrio: 13 (+2)
- Vilar de Santos: 1
- Xinzo de Limia: 22 (+2)
