Pro Animales Xinzo informou hoxe dunha boa nova relacionada cos cans que se atopaban en estado de malnutrición nunha granxa de Calvos de Randín. Según a entidade, o dono dos animais entregara este venres os cachorros e o mastín macho a unha persoa anónima que se comprometera a facerse cargo deles de xeito responsable. Tamén o axudará outro individuo para proporcionarlle axuda coma casa de acollida. Pola contra, o propietario dos cans negouse a regalar as femias, aínda que se comprometeu a darlles os coidados que necesiten.
Unha vez fóra da granxa, os animais foron levados de inmediato a un centro veterinario para ver o seu estado de saúde. O can adulto tivo que ser tratado cunha dose de tratamento para a sarna -Ivermectina- . Tamén se observou que estaba moi feble, pois apenas tiña fora para camiñar, e o seu peso estaba moi por debaixo do recomendado para un animal da súa idade e raza. As crías estaban a padecer diarreas, contaban con pulgas, e sospéitase de puideran ter lombrigas -séguese á espera dos resultados que amosen se ese é o caso ou non- .
A asociación agradeceu toda a colaboración dos cidadáns e as diversas doazóns que se fixeron durante estos días.
