Luns. 04.12.2023

Rubén Diz (43 anos) e José Manuel Fernández Márquez (53 anos) levan moito competindo xuntos e hoxe volvéronse xuntar en Xinzo con dous obxectivos: gañar e correr moi rápido. Para Rubén, atleta local, o primeiro era gañar. O ano pasado correu os dez quilómetros por baixo dos 31 minutos. Para Pepe Márquez, limiao de Bande, importaba máis a marca, as sensacións (que din nos atletas) reflectidas no crono. Rubén cumpriu o seu primeiro obxectivo. Mais non conseguiu o segundo. Fixo de lebre de Pepe, que entrou segundo, pero ambos quedaron lonxe dos 32 minutos.

A carreira comezou cedo, pouco despois das dez e media, mais non conseguiu evitar a calor, que pegou forte nos últimos quilómetros. Tamén o vento apareceu na segunda volta. Daquelas, os dous de cabeza xa levaban acumulado certo atraso sobre a marca esperada. Rubén enfilou a primeira recta cara a meta pola rúa Dous de Maio con dez metros de distancia sobre Pepe, que sufría e se amarraba como podía ás costas do líder.

O resto, moi distanciados. Era un pelotón de oito homes ao que loitaba por se incorporar Xosé Pérez, que foi o máis forte dese pelotón e remataría no terceiro caixón do podio despois de remontar na segunda volta.

carreira popular. Pepe Márquez. 2
Pepe Márquez, sufrindo para seguir o ritmo de Diz, durante a primeira volta, pola rúa Dous de Maio.

“Quería correr esta carreira na miña terra, pero competín onte pola noite en Ourense e a verdade é que dez ou once horas de recuperación non son suficientes”, comentou Rubén Diz ao Diario do Limia pouco despois de cruzar a meta. “Viñemos coa intención de que Pepe fixese un bo test, pero na segunda volta xa vin que non podía subir o ritmo, non foi tanto a calor como a fatiga. Pero había que estar aquí”.

Fernández Márquez, pola súa banda, agradeceu a Diz o esforzo. “Rubén marcou un ritmo moi alto, a verdade é que non me atopei moi ben. Non sei se foi a calor, pero o test non saíu como esperaba e isto xérame dúbidas sobre se competir ou non en Valencia”. Márquez acabou moi canso. Tiña previsto sumar outros cinco quilómetros á carreira, mais descartouno xusto despois de cruzar a meta. “Unha mágoa”, valorou, “porque este é un circuíto moi bo para facer marca e unha carreira que se está consolidando”. E rematou felicitando á organización: “Todo perfecto. Un dez”.

Xosé Pérez, do club de atletismo Arenteiro, explicou que durante a primeira volta foi prudente. “Levo tempo un pouco baixo de forma e non sabía como me ía topar. Pero na segunda volta subín o ritmo, puiden alcanzar ao meu compañeiro de club que ía por diante, e no último medio quilómetro conseguín superalo”. Pérez confesou que “cando Rubén ou Márquez están na carreira sabes que será complicado gañar, pero tamén hai que aprender deles, ao fin son os nosos mestres”.

O podio absoluto feminino e masculino (falta Márquez), coas autoridades. FOTO Noelia Caseiro
O podio absoluto feminino e masculino (falta Márquez), coas autoridades. | FOTO Noelia Caseiro

CLASIFICACIÓNS 

ABSOLUTA MASCULINA

1    RUBEN DIZ    33:32    
2    JOSE MANUEL FERNANDEZ MARQUEZ    33:48    
3    XOSE PEREZ BLANCO    35:23    
4    JULIO NOVOA GUTIERREZ    35:24    
5    ALEJANDRO MONTERO LOPEZ    35:36    
6    FICO LOSADA CONDE    35:42    
7    RUBEN COTA    35:47    
8    DAVID PAZ SALGADO    36:02    
9    ROBERTO VAZQUEZ PAVON    36:06    
10    SANTI GARCIA GONZALEZ    36:23    

ABSOLUTA FEMININA

1    PATRICIA VARELA SANTISO    39:56    
2    CORA SABURIDO REPRESA    40:26    
3    VICKY LOSADA PEREZ    41:24    
4    ANA PARADELA    43:09    
5    NEREA CONDE    45:02    
6    PATRICIA ALONSO PARENTE    48:10    
7    SANDRA MIRAS LEBORAN    51:14    
8    MERCHE ALVAREZ    51:40    
9    ELENA DOMINGUEZ GONZALEZ    52:12    
10    MARTA FERREIRO OPAZO    53:40

popular ATLETISMO (9)
Saída da proba absoluta.

Estas son as clasificacións completas nas categorías menores

SUB 14 - SUB 16- SUB 18 (nados 2005-2010) 1,9 quilómetros

1    MARIO LORENZO FERREIRO    06:30    
2    ADAM TAMI FATHALLAH    07:33    
3    UXIA LOPEZ SANCHEZ    07:47    
4    BRAIS GOMEZ MENDEZ    07:51    
5    CANDELA DIZ CHAPADO  07:55    
6    SARA NUÑEZ    08:44    
7    NAIA SANCHEZ RODRIGUEZ    09:07    

SUB 10- SUB 12 ( nados 2011-2014) 0,9 quilómetros

1    MANUEL FERNANDEZ GOMEZ    03:18    
2    DAVID DIAZ RODRIGUEZ    03:29    
3    LARA LOPEZ SANCHEZ    03:31    
4    ALEJANDRO FERNANDEZ GOMEZ    03:39    
5    HECTOR PRIETO CID    03:43    
6    HECTOR SOUTO PAZOS    03:44    
7    ADRIAN CHAPADO CESTRONE    03:47    
8    NELSON DA CUNHA    03:50    
9    ANDRES IGLESIAS GOMEZ    03:51    
10    GABRIEL TRIGO GONZALEZ    04:06    
11    ANXO FERNANDEZ IGLESIAS    04:11    
12    CECILIA ENRIQUEZ BLANCO    04:12    
13    IRIA BLANCO LAMA    04:14    
14    XENXO LORENZO MIGUEZ    04:15    
15    LEO RODRIGUEZ ENRIQUE    04:16    
16    EMMA JURADO BUSTOS    04:16    
17    LARA DIZ RUIZ    :04:16    
18    NAIARA GONZALEZ MARRA    04:18    
19    ANTON SANCHEZ JOGA    04:19    
20    IAGO FERREIRO    04:21    
21    XIANA ESTEVEZ MARRA    04:22    
22    SHAIEL SANCHEZ RODRIGUEZ    04:25    
23    IVAN ARGIVAY GARRIDO    04:30    
24    DARIO DA CUNHA    04:34    
25    MATEO FERNANDEZ SOUTULLO    04:41    
26    UNAI POZO FERNANDEZ    05:00    
27    CARLA GOMEZ PEREZ    05:05    
28    LEO CAAMAÑO FERNANDEZ    17:00    

Prebenxamín (Nados 2015-2016) 0,35 quilómetros

1    ANTON FERREIRA DORADO    01:17
2    MAELOC BARREIRO SOTO    01:18    
3    ALVARO SALGADO ARAUJO    01:22    
4    VALENTINA RIZZO SALGADO    01:24    
5    THIAGO CARNERO MANSO    01:27    
6    XOEL GOMEZ MENDEZ    01:28    
7    INES LORENZO GOMEZ    01:30    
8    THIAGO VELOSO FIDALGO    01:30    
9    VERA DORRIBO GÓMEZ    01:31    
10    MARTIN FERNANDEZ IGLESIAS01:34    
11    ALVARO MENDEZ RAMOS    01:36    
12    ANXO LOPEZ PEREZ    01:37    
13    MARIO FERREIRO    01:37    
14    BIANCA RIZZO SALGADO    01:38    
15    IAN REY MARRA    01:38    
16    MARTA JURADO BUSTOS    01:38    
17    BRAIS SANTANA BLANCO    01:41


    

DEPORTES A LIMIA | O test de Pepe e a lebre limiá