Martes. 06.12.2022
Os códigos darán acceso a unha serie de xogos variados

NOTICIAS A LIMIA | O CDR Viso visibiliza o patrimonio local con 12 códigos QR

Imaxe dun dos códigos QR polo pobo de Lodoselo. | FOTO: CDR O Viso.
Imaxe dun dos códigos QR polo pobo de Lodoselo. | FOTO: CDR O Viso.

O CDR O Viso acaba de incorporar ao seu coñecido itinerario por Lodoselo -actividade que levaba dende os anos 90 en funcionamento- unha serie de placas con códigos QR que dotan ao percorrido de maior interacción e diversión a través dunha serie de mini xogos variados.

A actividade consta de 12 puntos nos que agora, en cada un, hai colgada unha lámina na que se indica o número da pegada -xa que hai que seguir unha orde concreta- e o novo código dixital. A lectura do QR derivará nun documento de Google Drive no que se exporán unha serie de propostas en forma de xogos -coma preguntas e respostas- que servirán para ir descubrindo Lodoselo dun xeito máis ameno e variado.

Coa renovación do percorrido quérese atraer a chegada de máis persoas ao rural, que os visitantes poidan gozar dunha boa xornada coñecendo os arredores da vila e tamén aos veciños e veciñas da contorna.

NOTICIAS A LIMIA | O CDR Viso visibiliza o patrimonio local con 12 códigos QR
comentarios