Luns. 05.12.2022
O obxectivo común é impulsar o acollemento de menores no concello

NOTICIAS A LIMIA | O Concello de Xinzo súmase á rede de acollida Acougo

A alcaldesa de Xinzo, Elvira Lama, o concelleiro de Servizos Sociais, Alberto Martínez e a coordinadora de Acougo, Carmen Dourado
A alcaldesa de Xinzo, Elvira Lama, o concelleiro de Servizos Sociais, Alberto Martínez e a coordinadora de Acougo, Carmen Dourado. | FOTO: Concello de Xinzo de Limia.

O Concello de Xinzo de Limia acaba de iniciar unha relación de colaboración coa rede Acougo -Asociación Galega de Familias de Acollida- co obxectivo de mellorar e potenciar o acollemento de menores. Actualmente, a asociación non encontra moitas familias interesadas en acoller no concello limiá, pero confía que coas novas medidas de impulso a situación varíe.

Esta mañá reuníronse a alcaldesa de Xinzo de Limia, Elvira Lama e o concelleiro de Servicios Sociais, Alberto Martínez coa coordinadora de Acougo, Carmen Dourado, para establecer as primeiras liñas de actuación entre ambas partes.

O primeiro paso do plan darase coa axuda dos servizos sociais municipais para a identificación de familias de acollida. Neste caso, Acougo pretende levar a cabo unha charla informativa aberta a toda a cidadanía, adicada sobre todo a aquelas persoas de Xinzo que desexen acoller.

A asociación recorda que toda familia que estea interesada na acollida debe porse en contacto coa mesma para coñecer en detalle todo o proceso.

NOTICIAS A LIMIA | O Concello de Xinzo súmase á rede de acollida Acougo
comentarios