No ano 2021, oito mulleres de Xinzo convertíanse en nais por primeira vez e, na procura de buscar apoio entre elas nesta nova experiencia, comezaron a crear vínculos. O que nun inicio era un grupo de WhatsApp para compartir experiencias e inquedanzas, formado a principios do 2022, acabou sendo a semente da asociación Mimiños.
A principios deste mes naceu esta entidade que ter por obxectivo crear unha rede de apoio para nais e pais na que "poidan compartir experiencias, desafogarse, asesorarse sobre algún tema en concreto, ou simplemente sentirse comprendidos, sin ser xulgados e dende a empatía", sinalan nas súas redes sociais. Este proxecto xurdiu da necesidade que detectaron ante a falta de información de calidade, así como dunha rede de apoio para as mulleres que atravesan esta etapa das súas vidas.
As nais e pais que forman parte de Mimiños participan son asiduos non cursos relacionados sobre a crianza dos cativos en diversas materias e, coas súas experiencias individuais, dispoñen das ferramentas para dar soporte a outras persoas que se adentren no mundo da maternidade e a paternidade.
Nos obxectivos de futuro de Mimiños está poder ofrecer cursos a persoas que, como as oito nais que a impulsaron, precisen de apoio no momento de enfrontarse ao nacemento dun fillo. "Gustaríanos achegar cursos de formación e actividades de diversos ámbitos da maternidade e crianza", sinalan. A través das redes sociais, onde están presentes coa conta @miminhos_xinzo en Instragram, lanzan consellos sobre lactancia, rutinas ou saúde, pero tamén comparten receitas, entre outros aspectos.
Coa constitución oficial da asociación Mimiños, só queda presentarse ante a sociedade. Para isto, contarán cun acto que terá lugar este xoves na Casa da Cultura.
