Martes. 07.02.2023
É unha actividade da Escola Rural de Saúde da Limia

NOTICIAS XINZO | Ganade expón o traballo artesanal das mulleres no mundo téxtil

Mulleres participantes do obradoiro da Escola Rural de Saúde da Limia amosan unha das pezas tecidas.
Mulleres da Escola Rural de Saúde da Limia amosan unha das pezas tecidas.

A Escola Rural de Saúde da Limia organizará o próximo sábado unha mostra téxtil baixo o nome de "Tecendo en Ganade, a identidade das mulleres e o tecido social nas súas mans". O centro social de Ganade é o lugar escollido para acoller esta exposición que se poderá visitar a partir das 16:30 horas.

Os tecidos que se amosarán serán antigos, pezas "únicas" que se fixeron a man ou en tear, incluíndo o proceso íntegro dende a plantación do liño ata a súa terminación. Na mostra tamén se poderán ver algunhas pezas con máis de 150 anos de historia, que foron protexidas ao longo do tempo.

A Escola Rural de Saúde da Limia leva 11 anos promocionando a saúde e a igualdade, pero tamén apreciou como as mulleres participan e se reencontran en centros sociais. O tecido, o corte e a confección son unha axuda para diminuír a soidade e foron, históricamente, actividades que fortaleceron núcleos familiares e sociais, e incluso chegaron a desenvolverse como extraordinarias artistas e artesás.

Estes son algúns dos motivos para organizar esta mostra. Ademais, existe outro tecido, o "social", que é un "entramado natural que nos define a nosotros y a nuestra identidad y personalidad, las mujeres podemos hacer de esa identidad y de nuestras actividades tradicionales una fortaleza", apuntan dende a asociación.

A mostra conta coa colaboración de empresas de corte social como "Ágora", de Sonia Trigo, en Xinzo, que permitirá ensinar algúns tecidos. A migración galega e as súas mulleres tamén participarán grazas a Marcia Diéguez, a través da dirección de Cultura do Centro Espanhol de Santos, en Brasil, e a fortaleza virá da man de Matilde Gándara, creadora do "Museo-casa Mati".

Cartel da mostra de tecidos en Ganade.
Cartel da mostra de tecidos en Ganade.

NOTICIAS XINZO | Ganade expón o traballo artesanal das mulleres no mundo téxtil
comentarios