O Concello de Xinzo presentou esta mañá o IV Plan de Igualdade participativo, que estará en vigor ata o 2026. No acto, estiveron presentes a alcaldesa, Elvira Lama; a directora de Red Talento, Laura Seara; e representantes dalgunhas entidades que colaboraron na súa redacción. A rexedora agradeceu a estes últimos, o "tecido social" de Xinzo, pola súa colaboración co plan. "Fixeron posible detectar as eivas que hai no ámbito de cada unha delas e aportaron medidas correctoras para incluílas nas políticas do Concello", engadiu.
O obxectivo que persegue este plan é o de conferir transversalidade de xénero á política municipal, xa que aquelas en materia de igualdade son una "prioridade" para o actual Goberno local. O plan tamén contempla o deseño de "accións positivas" para correxir as fendas de xénero, en definitiva unha serie de pasos a seguir para poder acadar unha igualdade "real" entre homes e mulleres e rematar coa "lacra" da violencia machista.
O plan recolle unha serie de principios que se tratarán de facer efectivos ata o 2026, cando remate e se faga unha avaliación dos seus resultados. Isto permitirá coñecer canto se avanzou nesta materia e canto queda aínda por mudar. "Queremos que isto non quede só nun documento, senón que sirva para ter un concello máis real, plural e, especialmente, igualitario", resaltou Lama.
![Representantes de entidades colaboradoras no plan.](/media/diariodolimia/images/2023/03/29/2023032917133442030.jpg)
Neste plan colaborar entidades como o CDR O Viso, a Escola Rural de Saúde, Limisi, o persoal do centro de saúde, asociación e centros educativos ou entidades deportivos, entre outros, así como persoal do Concello. Con eles reuníronse para coñercer as súas opinión e Seara sinalou que o seu papel foi "decisivo" á hora de elaborar este plan con propostas "concretas". A cidadanía tamén colaborou a través de enquisas, que serviron para coñecer a realidade actual en material de igualde.
A responsable do plan sinalou que os tres fundamentos "esenciais" son o "principio de igualdade, as accións positivas e a intervención nas políticas de igualdade". No, recollen 200 actividades con 62 medidas e con nove áreas de intervención de "carácter transversal", apuntou Seara.
O documento estará dispoñible en papel nos centros de maiores, centros sociais, de saúde ou colexios, entre outros espazos públicos e privados. Ademais, na páxina web do Concello poderá consultarse por toda a cidadanía.