jueves. 30.05.2024

A Semana Santa xa deu comezo en Xinzo coa procesión e a misa do Domingo de Ramos, que deu inicio aos actos litúrxicos que terán lugar na parroquia de Santa Mariña. A Igrexa Nova encheuse nesta primeira importante data e decenas de persoas se congregaron para vivir a procesión de Ramos polas rúas da vila. Ao longo dos vindeiros días, especialmente o Xoves e o Venres Santos, haberá misas e procesións para vivir a paixón de Cristo.

O Xoves Santo terán unha xornada de confesións na Igrexa Nova de Xinzo entre as 10:00 e as 13:00 horas. Pola tarde, ás 19:00 horas terá lugar a celebración da Última Cena e a procesión de "Xesús na horta". Os últimos actos litúrxicos do día serán ás 23:00 horas coa Hora Santa Parroquial e ás 00:00 a Adoración Nocturna.

Misa de Ramos na Irgexa Nova, na que estiveron presentes varios cargos públicos da vila.
Misa de Ramos na Irgexa Nova, na que estiveron presentes varios cargos públicos da vila.

 

O Venres Santo comezará ás 10:00 horas con laudes e adoración, para dar paso ás 12:00 ao Viacrucis para os nenos. Xa na tarde, ás 19:00 horas celebrarase a Paixón do Señor e ás 21:00 a procesión do Santo Enterro. Os actos litúrxicos do sábado comezarán ás 10:00 coa oración con María e ás 12:00 co Viacrucis parroquial. A xornada rematará coa Solemne Vixía Pascual ás 22:00. A Semana Santa rematará o Domingo de Pascua con dúas misas ao longo do día, unha ás 12:00 e outra ás 20:00 horas.

Cabeza da procesión de Ramos deste domingo.
Cabeza da procesión de Ramos deste domingo.

NOTICIAS XINZO | A parroquia de Santa Mariña celebra a Semana Santa con varios actos...