jueves. 18.04.2024

O Concello de Xinzo de Limia levantouse hoxe con malas novas no tocante ao rexistro das cifras de contaxios por coronavirus. A vila formaba parte, dende o pasado martes día dous deste mes, do grupo de municipios libres da Covid - 19. Unha situación que cambiou completamente nesta xornada ao sumar tres novos positivos.

Xinzo pasar así a igualar ao Concello de Porqueira en contaxios. Este territorio non amosa variacións e continúa a presentar tres casos activos dende o mércores tres de novembro.

Tampouco se rexistran cambios en Vilar de Santos, municipio que segue a contabilizar un só positivo.

O resto de concellos conformantes da comarca da Limia manteñen as súas cifras de contaxios a cero.

Así queda o rexistro de positivos na Limia o 5/11:

  • Baltar: 0
  • Os Blancos: 0
  • Calvos de Randín: 0
  • Porqueira: 3
  • Rairiz de Veiga: 0
  • Sandiás: 0
  • Sarreaus: 0
  • Trasmiras: 0
  • Vilar de Barrio: 0
  • Vilar de Santos: 1
  • Xinzo de Limia: 3 (+3)

CORONAVIRUS A LIMIA | Xinzo suma novos contaxios tras estar só tres días sen casos activos