jueves. 25.04.2024

Nesta nova semana, a comarca rexistra unha subida bastante considerable nos casos derivados da Covid - 19. Concretamente, os territorios suman 22 novos contaxios, dos cales, case a metade son do gromo de Sarreaus. En total, a Limia contabiliza 66 positivos entre os sete concellos que presentan contaxios. Só son catro os territorios que seguen a permanecer libres do virus.

Sarreaus informaba dun gromo detectado a pasada semana no CDR O Viso de Lodoselo. 13 persoas do centro - nove residentes da vivenda comunitaria e catro traballadoras da entidade- daban positivo ao realizárenlles PCRs durante a xornada do venres. No día de hoxe, según datos oficiais, o concello rexistra 11 casos activos.

Xinzo de Limia amosou tamén unha subida preocupante nas súas cifras de contaxios sumando sete novos positivos. O territorio ascende así a un total de 20 casos.

Trasmiras e Vilar de Barrio incorporan dous novos positivos cada un. O primeiro concello limiá sobe ata os 18 contaxios, e o segundo ata os 9.

Sandiás é o municipio que suma menos casos no día de hoxe -soamente un- e ascende ata os cinco casos activos.

Pola contra, o Concello de Porqueira segue a ser o único concello da comarca que baixa en contaxios. Descende dous positivos rexistrando dous casos activos en todo o territorio.

Vilar de Santos permanece estable amosando un só contaxio dende o pasado martes día 16 deste mes.

Así queda o rexistro de positivos na Limia o 22/11:

  • Baltar: 0
  • Os Blancos: 0
  • Calvos de Randín: 0
  • Porqueira: 2 (-2)
  • Rairiz de Veiga: 0
  • Sandiás: 5 (+1)
  • Sarreaus: 11 (+10)
  • Trasmiras: 18 (+2)
  • Vilar de Barrio: 9 (+2)
  • Vilar de Santos: 1
  • Xinzo de Limia: 20 (+7)

CORONAVIRUS A LIMIA | Explosivo avance: 22 novos casos na comarca