A tendencia de baixada nos casos por Covid -19 que se iniciaba na anterior fin de semana na comarca da Limia continúa activa nesta xornada de mércores día oito.
O Concello de Porqueira é un dos que presenta unha maior disminución de casos positivos, pasando de cinco a tres -resta dous contaxios- . A alcaldesa, Susana Vázquez Dorado, voltou a publicar un bando informativo no que comunicaba estas cifras oficiais e chamou á responsabilidade veciñal.
Trasmiras tamén descende pero faino dun xeito máis lento, só rexistra un caso menos deixando un total de tres positivos.
O resto de concellos con casos activos non presenta variacións nas súas cifras.
Baltar, Os Blancos, Rairiz de Veiga, Sarreaus e Vilar de Santos seguen a ser os municipios con cero positivos.
Así queda o rexistro de contaxios por Covid - 19 na Limia o 8/09:
- Baltar: 0
- Os Blancos: 0
- Calvos de Randín: 1
- Porqueira: 3 (-2)
- Rairiz de Veiga: 0
- Sandiás: 1
- Sarreaus: 0
- Trasmiras: 3 (-1)
- Vilar de Barrio: 4
- Vilar de Santos: 0
- Xinzo de Limia: 12
