Inscricións abertas ata o 15 de maio
Vilar de Barrio impulsa un voluntariado para a recuperación de oficios tradicionais
30 de abril de 2025 (11:49 h.)
O Concello de Vilar de Barrio organiza un programa de voluntariado interxeracional centrado na recuperación de oficios tradicionais. Esta iniciativa desenvolverase durante os meses de xullo e outubro.
As persoas interesadas en participar deberán formalizar a súa inscrición no Concello antes do 15 de maio.
As actividades programadas inclúen:
- Visita ás Xornadas etnográficas: Durante estas xornadas, os participantes poderán observar representacións prácticas de actividades como a seitura, a malla, a molienda e o funcionamento da fornalla.
- Charlas explicativas: Ofreceranse sesións informativas para comprender os procesos e técnicas dos oficios tradicionais.
- Obradoiros prácticos: Realizaranse obradoiros de elaboración de pan, empanadas e outros produtos nos fornos de Arnuide e Barrio, permitindo aos voluntarios participar activamente na súa preparación.
Para obter máis información sobre este programa de voluntariado, os interesados poden contactar co Concello de Vilar de Barrio a través do número de teléfono indicado no anuncio.