Venres. 29.03.2024

O Centro Cultural Marcos Valcárcel acollerá entre os días 3 e o 17 de maio a exposición Río Limia-Lima. Caudal de emocións, coas mellores fotografías dos fotógrafos profesionais que documentaron o itinerario transfronteirizo perfilado, na parte galega, pola Deputación de Ourense a través dos 11 concellos galegos bañados polo río Limia-Lima. 

A mostra, Río Limia-Lima. Caudal de emocións estará aberta ata o 17 de maio, e recolle os traballos de tres fotógrafos ourensáns e tres portugueses que documentaron o recorrido do río dende o seu nacemento no Monte Talariño, en Sarreaus, ata a súa desembocadura en Viana do Castelo.

Os fotógrafos son Pedro Cerqueira, Eduardo Pimenta e Miguel Costa, e os ourensáns Paco Rocha, Rosa Veiga e Miguel Souto.

Esta acción está enmarcada dentro do proxecto Fronteira Esquecida, cofinanciado ao 75% polo Fondo Europeo de Desenvolvemento Rexional (FEDER) a través do Programa Interreg V España-Portugal (POCTEP) 2014-2020, cuxo obxectivo principal é potenciar os recursos naturais e culturais do río Limia-Lima, e a súa contorna, e en base a iso crear e desenvolver unha estrutura de xestión e promoción conxunta que potencie o aproveitamento turístico da zona, segundo informou hoxe a Deputación provincial nun comunicado de prensa.

Dentro das actividades deste proxecto creouse este itinerario fotográfico que, agora, deriva na exposición Río Limia-Lima. Caudal de emocións no Centro Cultural Marcos Valcárcel, coas mellores imaxes do territorio que baña o río Limia-Lima, desde o seu nacemento no Monte Talariño (Sarreaus) ata a súa desembocadura en Viana do Castelo, realizadas por profesionais portugueses -Pedro Cerqueira, Eduardo Pimenta e Miguel Costa- e ourensáns -Paco Rocha, Rosa Veiga e Miguel Souto-. 

AXENDA | Exposición de fotografías sobre o Limia en Ourense a partir do martes